الأذكــياء
السادة رجالٍ على النـاس ســادوا
لإنـهـم لا قــامـوا بــ شـيء ســـَــدَّوا
و إن جـاء مجال الجود بالمال جادوا
وإن جاء مجال الجـِـد بالفـعل جـَدَّوا
ولـيا بـِـدَر مــنهم خـطـأ ما تــمــادوا
و ليا تـَــرَدّا غــيـــرهــم مــا تــَـــرَدَّوا
والخاسرين اللي عن الدرب حادوا
وعن منهج الهادي والأصحاب صَدَّوا
قـومٍ على خـيبـة تـعبـهـم تــنــادوا
ولـيا تــوَلّــوا عـــربـــدوا واســـتــبَـدَّوا
لئام فـي عـكـر المـشـاريب صـادوا
ليا مسكــوا زلـة على شخص هــَــدَّوا
و ليا طـلبـوا حــقٍ بـَغَـوا واستزادوا
و تجــاوزوا حـد الـحـدود و تـعـَــدَّوا
ومن قبـلـنا أقـوامٍ تلاشـوا و بـادَوا
ماكنهم في الأرض أقـاموا وشـَـدَّوا
تـقـول ورّادٍ على الـمـاء تعـادَوا
و كـلٍ شرب حـتفـه و لاعـــــاد رَدَّوا
والأذكياء اللـي بالحياة استـفـــادوا
اللـي لمـا بـَعــد المـمــات اســتــَـعـَـدَّوا
عبد العزيز بن شداد الحيسوني الحربي
