أحدٍ سؤاله مشكلة وأحدٍ جوابه مشكلة
الأول استجلب لها والثاني استعذب لها
وجاءت النتيجة معضلة وصعبت حلول المعضلة
لين اشنقت في حبلها من كان يضرب طبلها
ولو الليال المقبلة ندري وش اللي تحمله
كلٍ قعد يحسب لها و لا تورّط قبلها
وكل مشرِّع منهله يسقي عطاشا الأسئلة
وأحدٍ قعد يسكب لها وأحدٍ قعد يحطب لها
وعقل الفتى مايغسله إلا العلوم المدخلة
رؤسٍ خذت موجب لها ورؤس خذت سالب لها
عقلٍ عرف مايجهله وعقل اشتبه بالمسألة
وناسٍ عظيمٍ نبلها ماتشتبه مع خبلها
وأحدٍ تأثر من هله وأحدٍ تأثر به هله
والناس مايُجلَب لها إلا الذي يُكتَب لها
والشر لاتستسهله والخير بادر واعمله
والنفس قصر حبلها واقعدلها وأنشب لها
عبد العزيز شداد الحيسوني الحربي
ليست هناك تعليقات:
إرسال تعليق