مابالحياة إذا تفكّرت راحة
لاصار دربك به تعرج ومنعاج
وإن كنت ماتتقن فنون السباحة
وش لك ببحرٍ به تقاذفك الأمواج
الطير لولا قوةٍ في جناحه
ماكان له في عالي الجو معراج
ومشيك مع أسباب الحياة المتاحة
أخير من قفزٍ يسبب لك احراج
والمطلب اللي مايجي بالسماحة
بالغصب يجلب للمشاكل والازعاج
وبعض الثقة بالنفس كِبْر ووقاحة
تدخلك في مدخال مامنه مخراج
ماكل موقف به تفيد الفصاحة
ولاكل حِكْم يقدم احلول واعلاج
وللفكر فك الباب وأطلق سراحه
لاتحط بين الواقع وبينه اسياج
وأعطه عن الروتين رحلة سياحة
ومن العلوم النافعة عطه مااحتاج
وتبا الصراحة مابهـ الدار راحة
والعبرة: الجودة؛ ماهو كثر الانتاج
عبد العزيز بن شداد الحيسوني الحربي
ليست هناك تعليقات:
إرسال تعليق