وصف الصقر
رفعت الرأس يالحر النداوي
معش الضيف ومجَمّل خويّه
معش الضيف ومجَمّل خويّه
لاشفت الخرب ما تقعد تراوي
تهد وهدتك دايم قويّه
تهد الصبح وتهد الضحاوي
وتكفخ عند ميلة كل فَيَّه
ماقمت تدوج بالواد السناوي
ولاضيعت صقارك عشية
على الجزلات صقارك رهاوي
ولو هديت بأرضٍ ساحلية
جناحينك بسرعتها تساوي
سهام ما ثنتها الجاذبية
خوافيهن لهن تسمع عزاوي
ومقادمهن صواريخ أجنبية
مخالبك المنايا والبلاوي
يفجّن لاهَوَن صدر الضحيه
شراك اللي لطرد الصيد هاوي
يمتع ناظره بأرضٍ خليه
ماجابك بالمناوي والرشاوي
بِحُرّ المال من كف صخيه
وأنا يالحر مدري كيف تاوي
بوكرٍ بالزوايا الجانبية
بعد ماكنت في الجو السماوي
طليقٍ بين ريضانٍ عذيه
ومنامك بالهضاب وبالمطاوي
على أطراف الصخور الصلهميه
وفي لحظة خطأ حَوّلْت غاوي
وصادك يالنداوي راعبيه
عبد العزيز بن شداد الحيسوني الحربي
ليست هناك تعليقات:
إرسال تعليق